jio new plans! ജിയോ പുതിയ പ്ലാനുകൾ

രാജ്യത്തെ ഏറ്റവും വലിയ ടെലികോം സേവനദാതാക്കളായ റിലയൻസ് ജിയോ പുതിയ പ്ലാനുകൾ അവതരിപ്പിച്ചു.
വിശദമായ വിവരങ്ങൾ താഴെ
PLAN 2399
വീട്ടിൽ നിന്ന് ജോലി ചെയ്യുന്ന ഉപയോക്താക്കൾക്ക് ഏറെ ഉപകാരപ്പെടുന്നതാണ് 2399 രൂപയുടെ പ്ലാൻ. അതായത് ഈ ഈ പ്ലാനിന് പ്രതിമാസം 200 രൂപ മാത്രമേ വരൂ.
ഈ പ്ലാൻ അനുസരിച്ച്, കമ്പനി ഉപയോക്താക്കൾക്ക് 2 ജിബി ഡേറ്റയും പരിധിയില്ലാത്ത വോയ്‌സ് കോളിംഗും എസ്എംഎസ് ആനുകൂല്യങ്ങളും നൽകുന്നു. പ്ലാൻ നിലവിൽ കമ്പനിയുടെ ഔദ്യോഗിക വെബ്‌സൈറ്റിൽ ലിസ്റ്റ് ചെയ്തിട്ടില്ല. ഇതിനാൽ പരിധിയില്ലാത്ത വോയ്‌സ് കോളിംഗിനും എസ്എംഎസ് ആനുകൂല്യങ്ങൾക്കും എഫ്‌യുപി പരിധി ഉണ്ടോ എന്ന് പരിശോധിക്കാൻ കഴിയില്ല.
2,399 രൂപയുടെ പ്ലാനിന് 336 ദിവസത്തെ സാധുതയുണ്ട്. ഇത് കമ്പനിയുടെ മറ്റ് വാർഷിക പായ്ക്ക് 2,121 രൂപ പ്ലാനിൽ നിന്ന് മാറ്റമുണ്ട്. 2,121 രൂപ പ്ലാൻ അനുസരിച്ച്, 1.5 ജിബി അതിവേഗ ഡേറ്റയും പരിധിയില്ലാത്ത ജിയോ-ടു-ജിയോ വോയ്‌സ് കോളിംഗും 12,000 എഫ്‌യുപി മിനിറ്റ് നോൺ-ജിയോ വോയ്‌സ് കോളിംഗും 100 പ്രതിദിന കോംപ്ലിമെന്ററി എസ്എംഎസും നൽകുന്നു. 336 ദിവസത്തെ കാലാവധിയുമായാണ് ഈ പ്ലാനും വരുന്നത്.
2,399 രൂപ, 2,121 രൂപ പ്രീപെയ്ഡ് പ്ലാനുകളും കമ്പനിയുടെ സ്വന്തം ഓൺലൈൻ ആപ്ലിക്കേഷനുകളായ ജിയോ ടിവി, ജിയോസാവൻ, ജിയോ മൂവികൾ എന്നിവയിലേക്കും മറ്റു സേവനങ്ങളിലേക്കും ഫ്രീ ആക്സസ് നൽകുന്നു. താരതമ്യേന, 1.5 ജിബി പ്രതിദിന ഡേറ്റയും പരിധിയില്ലാത്ത വോയ്‌സ് കോളിംഗും 100 പ്രതിദിന കോംപ്ലിമെന്ററി എസ്എംഎസും നൽകുന്ന എയർടെല്ലിന്റെ വാർഷിക പദ്ധതിക്ക് 2,398 രൂപയാണ് വില. അതേസമയം, എയർടെൽ വാർഷിക പദ്ധതിയുടെ അതേ ആനുകൂല്യങ്ങളുള്ള വോഡഫോണിന്റെ വാർഷിക പദ്ധതിക്ക് 2,399 രൂപയാണ് വില. ഈ രണ്ട് പ്ലാനുകളും അതത് കമ്പനികളുടെ അപ്ലിക്കേഷനുകളിലേക്ക് സൗജന്യ ആക്സസ് ഉള്ളതാണ്.
പുതിയ 2,399 രൂപ പ്ലാൻ അവതരിപ്പിച്ചതിനു പുറമേ, 151, 201 രൂപ, 251 രൂപ വിലയുള്ള പുതിയ ഡേറ്റാ ആഡ്-ഓൺ പാക്കുകളും റിലയൻസ് ജിയോ പുറത്തിറക്കിയിട്ടുണ്ട്. യഥാക്രമം 30 ജിബി, 40 ജിബി, 50 ജിബി ഡേറ്റ എന്നിവ ഈ പ്ലാനുകളിൽ ഉണ്ട്. ഇവയ്‌ക്ക് ദിവസേനയുള്ള നിയന്ത്രണങ്ങളില്ല പ്രധാന പ്ലാനിനൊപ്പം മാത്രമാണ് കാലാവധി അവസാനിക്കുക.